ഇന്ത്യയുമായുള്ള സൗഹൃദം പുനഃസ്ഥാപിക്കും -മാലദ്വീപ് മന്ത്രി
text_fieldsദുബൈ: ഇന്ത്യ മാലദ്വീപിന്റെ വളരെ അടുത്ത സുഹൃദ് രാജ്യമാണെന്നും അടുത്ത കാലത്ത് ഇരു രാജ്യങ്ങൾ തമ്മിലുണ്ടായ വിള്ളൽ നികത്തി സൗഹൃദം ഊട്ടിയുറപ്പിക്കുമെന്നും മാലദ്വീപ് ടൂറിസം മന്ത്രി ഇബ്രാഹീം ഫൈസൽ പറഞ്ഞു. അറേബ്യൻ ട്രാവൽ മാർക്കറ്റിൽ വിളിച്ചു ചേർത്ത പത്രസമ്മേളനത്തിൽ സംസാരിക്കുകയായിരുന്നു മന്ത്രി.
കാര്യമായ പ്രശ്നങ്ങൾ ഇന്ത്യയുമായി ഇല്ലെന്നും ഇന്ത്യയിൽ നിന്നുള്ള ടൂറിസ്റ്റുകളിൽ കുറവ് വന്നിട്ടുള്ളത് നികത്തുവാൻ പ്രധാന ഇന്ത്യൻ നഗരങ്ങളിൽ റോഡ് ഷോ നടത്തുന്നുണ്ടെന്നും അദ്ദേഹം പറഞ്ഞു.
ഇന്ത്യയുമായുള്ള രാഷ്ട്രീയ പ്രശ്നം പരിഹരിക്കാൻ ഇന്ത്യൻ അംബാസഡറുമായി ചർച്ച ഉടനെ തന്നെ നടത്തും. വേണമെങ്കിൽ മന്ത്രി തലത്തിലും ചർച്ച നടത്തുമെന്ന് മന്ത്രി വ്യക്തമാക്കി.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.