നടാലിൽ ഗേറ്റടക്കലിൽ ലോക്കായി ജനം

എ​ട​ക്കാ​ട്: ന​ടാ​ൽ ഗേ​റ്റി​ൽ ഗ​താ​ഗ​ത​ക്കു​രു​ക്ക് പ​തി​വാ​യ​തോ​​ടെ യാ​ത്ര​ക്കാ​ർ ദു​രി​ത​ത്തി​ലാ​യി. മി​ക്ക ദി​വ​സ​ങ്ങ​ളി​ലും കു​രു​ക്കു​മു​റു​കി ത​ല​ശ്ശേ​രി ഭാ​ഗം എ​ട​ക്കാ​ട് വ​രെ​യും ക​ണ്ണൂ​ർ ഭാ​ഗം ന​ടാ​ൽ വ​യ​ന​ശാ​ല വ​രെ​യും വാ​ഹ​ന​ങ്ങ​ളു​ടെ നീ​ണ്ട​നി​ര നീ​ളു​ക​യാ​ണ്. ഇ​ത് പ​രി​ഹ​രി​ക്കാ​ൻ മേ​ൽ​പാ​ലം വേ​ണ​മെ​ന്ന് നാ​ട്ടു​കാ​ർ ആ​വ​ശ്യ​പ്പെ​ടു​മ്പോ​ഴും ന​ട​പ​ടി സ്വീ​ക​രി​ക്കാ​ൻ അ​ധി​കൃ​ത​ർ ത​യാ​റാ​കു​ന്നി​ല്ല. ഇ​തു​കൂ​ടാ​തെ ഇ​ട​ക്കു​ണ്ടാ​വു​ന്ന ഗേ​റ്റ് ലോ​ക്കും കു​രു​ക്കി​ന്‍റെ രൂ​ക്ഷ​ത വ​ർ​ധി​പ്പി​ക്കു​ന്നു.

ക​ഴി​ഞ്ഞ ശ​നി​യാ​ഴ്ച​യും ഗേ​റ്റ് ലോ​ക്കാ​യി മ​ണി​ക്കൂ​റു​ക​ൾ ക​ഴി​ഞ്ഞാ​ണ് പൂ​ർ​വ​സ്ഥി​തി​യി​ലാ​യ​ത്. ഗേ​റ്റ് തു​റ​ക്കു​ന്ന സ​മ​യ​ത്ത് ഗേ​റ്റി​ന്‍റെ ഇ​രു​ഭാ​ഗ​ത്തു​നി​ന്നും വാ​ഹ​ന​ങ്ങ​ൾ ക​ട​ത്തി​വി​ടാ​ൻ പൊ​ലീ​സു​കാ​ര​നെ നി​ർ​ത്താ​റു​ണ്ടെ​ങ്കി​ലും ഗേ​റ്റ് തു​റ​ന്ന​യു​ട​നെ ബ​സു​ക​ൾ ലൈ​ൻ​മാ​റി മ​റ്റു​വാ​ഹ​ന​ങ്ങ​ളെ മ​റി​ക​ട​ന്ന് വ​രു​ന്ന​ത് വ​ലി​യ ക​രു​ക്കി​ന് വ​ഴി​വെ​ക്കു​ന്നു.

രാ​വി​ലെ​യും വൈ​കീ​ട്ടു​മാ​ണ് ഗ​താ​ഗ​ത​ക്കു​രു​ക്ക്​ രൂ​ക്ഷ​മാ​കു​ന്ന​ത്. ജോ​ലി​ക്കാ​യി പോ​വു​ന്ന​വ​രും തി​രു​ച്ചു​വ​രു​ന്ന​വ​രു​മാ​ണ് ഇ​തോ​ടെ ദു​രി​തം​പേ​റു​ന്ന​ത്.

പ​ല​ഘ​ട്ട​ത്തി​ലും മ​ണി​ക്കൂ​റു​ക​ൾ ക​ഴി​ഞ്ഞാ​ണ് ഗ​താ​ഗ​ത​ക്കു​രു​ക്ക​ഴി​യു​ന്ന​ത്. റൂ​ട്ടി​ലോ​ടു​ന്ന ബ​സു​ക​ളും താ​ളം​തെ​റ്റി​യാ​ണ് സ​ർ​വി​സ് ന​ട​ത്തു​ന്ന​ത്. കു​രു​ക്കി​ൽ സ​മ​യം നീ​ളു​ന്ന​തോ​ടെ സ​മ​യ​ത്തി​ന് സ്റ്റാ​ൻ​ഡി​ലെ​ത്താ​ൻ ബ​സു​ക​ൾ മ​ര​ണ​പ്പാ​ച്ചി​ൽ ന​ട​ത്തേ​ണ്ടി​വ​രു​ന്നു.

വ​ർ​ധി​ച്ചു​വ​രു​ന്ന ഗ​താ​ഗ​ത​ക്കു​രു​ക്കി​ന് ന​ടാ​ലി​ൽ മേ​ൽ​പാ​ലം ന​ർ​മി​ക്കു​ക മാ​ത്ര​മാ​ണ് പ​രി​ഹാ​ര​മെ​ന്നും മേ​ൽ​പാ​ലം നി​ർ​മാ​ണം ഉ​ട​ൻ ആ​രം​ഭി​ക്കു​ന്ന​തി​ന് ആ​വ​ശ്യ​മാ​യ ഇ​ട​പെ​ട​ലു​ക​ൾ ജ​ന​പ്ര​തി​നി​ധി​ക​ൾ ഉ​ൾ​പ്പെ​ടെ​യു​ള​ള​വ​രി​ൽ​നി​ന്ന്​ ഉ​ണ്ടാ​വ​ണ​മെ​ന്നും നാ​ട്ടു​കാ​ർ പ​റ​ഞ്ഞു. നേ​രെ​ത്തെ ഈ ​ആ​വ​ശ്യം ശ​ക്ത​മാ​യി ഉ​ന്ന​യി​ക്ക​പ്പെ​ട്ടി​രു​ന്നു.

ദേ​ശീ​യ പാ​ത വി​ക​സ​ന​ത്തി​ന്‍റെ പേ​ര് പ​റ​ഞ്ഞ് മേ​ൽ​പാ​ലം ആ​വ​ശ്യ​ത്ത തി​ര​സ്ക​രി​ക്കു​ന്ന സ​മീ​പ​ന​മാ​ണ് അ​ധി​കൃ​ത​ർ സ്വീ​ക​രി​ച്ച​ത്.

ദേ​ശീ​യ​പാ​ത നി​ല​വി​ൽ വ​ന്നാ​ലും ന​ടാ​ൽ റെ​യി​ൽ​വേ ഗേ​റ്റ് നി​ല​നി​ൽ​ക്കു​മെ​ന്നും നി​ര​വ​ധി വാ​ഹ​ന​ങ്ങ​ൾ ഗ​താ​ഗ​ത​ത്തി​ന് ഈ ​വ​ഴി പോ​കു​ന്ന റോ​ഡ് ത​ന്നെ​യാ​ണ് ഉ​പ​യോ​ഗ​പ്പെ​ടു​ത്തു​ക​യെ​ന്നും നാ​ട്ടു​കാ​ർ ചൂ​ണ്ടി​ക്കാ​ട്ടു​ന്നു. വീ​ർ​പ്പു​മു​ട്ടു​ന്ന ഗ​താ​ഗ​ത​ക്കു​രു​ക്കി​ന് പ​രി​ഹാ​രം മേ​ൽ​പാ​ലം മാ​ത്ര​മാ​ണെ​ന്നും അ​വ​ർ പ​റ​യു​ന്നു.