ജെ.ഡി.എസ് നേതാവിന്റെ വീടിനുനേരെ ആക്രമണം

കാ​ഞ്ഞ​ങ്ങാ​ട്: ജെ.​ഡി.​എ​സ് കാ​ഞ്ഞ​ങ്ങാ​ട് മ​ണ്ഡ​ലം സെ​ക്ര​ട്ട​റി ദി​ലീ​പ് മേ​ട​യി​ലി​ന്റെ വീ​ടി​നു​നേ​രെ ആ​ക്ര​മ​ണം. വീ​ടി​ന്റെ ജ​ന​ൽ ചി​ല്ലു​ക​ൾ ക​ല്ലെ​റി​ഞ്ഞ് ത​ക​ർ​ത്തു. മാ​വു​ങ്കാ​ൽ ആ​ന​ന്ദാ​ശ്ര​മ​ത്തി​ന​ടു​ത്ത് രാം​ന​ഗ​ർ ഹൈ​സ്കൂ​ളി​ന് പി​റ​കു​വ​ശ​ത്തു​ള്ള വീ​ടി​നു നേ​രെ​യാ​ണ് ആ​ക്ര​മ​ണം. ക​ഴി​ഞ്ഞ​ദി​വ​സം രാ​ത്രി 12.30നാ​ണ് സം​ഭ​വം. ദി​ലീ​പും ഭാ​ര്യ പ്ര​മീ​ള​യു​മാ​ണ് വീ​ട്ടി​ലു​ണ്ടാ​യി​രു​ന്ന​ത്. ഇ​വ​ർ ഉ​റ​ക്ക​ത്തി​ലാ​യി​രു​ന്നു. കി​ട​പ്പു​മു​റി​യി​ലെ ര​ണ്ട് ജ​ന​ലു​ക​ളു​ടെ ചി​ല്ലു​ക​ൾ ക​ല്ലേ​റി​ൽ ത​ക​ർ​ന്നു.

വീ​ടി​ന്റെ ഭി​ത്തി​യി​ല​ട​ക്കം ഏ​റു​കൊ​ണ്ട പാ​ടു​ണ്ട്. ജ​ന​ൽ ചി​ല്ലു​ക​ൾ ദേ​ഹ​ത്ത് തെ​റി​ച്ചു​വീ​ണെ​ങ്കി​ലും പ​രി​ക്കേ​റ്റി​ല്ല. ക​ഴി​ഞ്ഞ ലോ​ക്സ​ഭ തെ​ര​ഞ്ഞെ​ടു​പ്പി​ൽ എ​ൽ.​ഡി.​എ​ഫ് സ്ഥാ​നാ​ർ​ഥി​ക്കു​വേ​ണ്ടി സ​ജീ​വ​മാ​യി ദി​ലീ​പ് പ്ര​വ​ർ​ത്തി​ച്ചി​രു​ന്നു. അ​ജാ​നൂ​ർ പ​ഞ്ചാ​യ​ത്തി​ലെ വി​വി​ധ സ്ഥ​ല​ങ്ങ​ളി​ൽ കു​ടും​ബ​യോ​ഗ​ങ്ങ​ളി​ല​ട​ക്കം പ​ങ്കെ​ടു​ത്ത് സം​സാ​രി​ച്ചി​രു​ന്നു. ഈ ​വി​രോ​ധ​മാ​കാം ആ​ക്ര​മ​ണ​ത്തി​ന് കാ​ര​ണ​മാ​യ​തെ​ന്ന് ക​രു​തു​ന്നു. ഹോ​സ്ദു​ർ​ഗ് പൊ​ലീ​സി​ൽ ന​ൽ​കി​യ പ​രാ​തി​യി​ൽ കേ​സെ​ടു​ത്തു.

നി​യ​മ​ത്തി​ന് മു​ന്നി​ലെ​ത്തി​ക്ക​ണം -എ​ൽ.​ഡി.​എ​ഫ്

കാ​ഞ്ഞ​ങ്ങാ​ട്: മാ​വു​ങ്കാ​ൽ രാം​ന​ഗ​ർ ഗ​വ. ഹൈ​സ്കൂ​ളി​ന് സ​മീ​പം താ​മ​സി​ക്കു​ന്ന ജ​ന​താ​ദ​ൾ സെ​ക്കു​ല​ർ കാ​ഞ്ഞ​ങ്ങാ​ട് മ​ണ്ഡ​ലം പ്ര​സി​ഡ​ന്റ് മേ​ട​യി​ൽ ദി​ലീ​പി​ന്റെ വീ​ടി​നു​നേ​രെ ശ​നി​യാ​ഴ്ച രാ​ത്രി​യി​ലു​ണ്ടാ​യ ആ​ക്ര​മ​ണ​ത്തി​ൽ എ​ൽ.​ഡി.​എ​ഫ് ജി​ല്ല ക​ൺ​വീ​ന​ർ കെ.​പി. സ​തീ​ഷ് ച​ന്ദ്ര​ൻ പ്ര​തി​ഷേ​ധി​ച്ചു.

ശ​ക്തി​യാ​യ ക​ല്ലേ​റി​ൽ വീ​ടി​ന്റെ ജ​ന​ൽ ഗ്ലാ​സു​ക​ൾ ത​ക​ർ​ന്നു. ആ ​സ​മ​യ​ത്ത് മു​റി​യി​ൽ ആ​രും ഇ​ല്ലാ​തി​രു​ന്ന​തി​നാ​ലാ​ണ് മ​റ്റ് അ​നി​ഷ്ട​സം​ഭ​വ​ങ്ങ​ൾ ഒ​ഴി​വാ​യ​ത്. ഈ ​ഹീ​ന​മാ​യ ആ​ക്ര​മ​ണ​ത്തി​ന് ഉ​ത്ത​ര​വാ​ദി​ക​ളാ​യ​വ​രെ ക​ണ്ടെ​ത്തി നി​യ​മ​ത്തി​ന് മു​ന്നി​ലെ​ത്തി​ക്ക​ണം​മെ​ന്നും കെ.​പി. സ​തീ​ഷ് ച​ന്ദ്ര​ൻ പ​റ​ഞ്ഞു.