എ​ന്നാ​ണീ കു​ടി​ലി​ൽ​നി​ന്ന് മോ​ച​നം?

മു​ത​ല​മ​ട: ന​രി​പ്പാ​റ​ച​ള്ള​യി​ൽ കു​ടി​ലി​ൽ​നി​ന്ന് മോ​ച​നം വേ​ണ​മെ​ന്ന ആ​വ​ശ്യ​വു​മാ​യി 12 കു​ടും​ബ​ങ്ങ​ൾ. ഓ​ല​ക്കു​ടി​ലു​ക​ളി​ൽ ക​ഴി​യു​ന്ന 12 കു​ടും​ബ​ങ്ങ​ൾ​ക്ക് സ്വ​ന്ത​മാ​യി ഭ​വ​നം ല​ഭി​ക്കാ​ൻ ലൈ​ഫ് പ​ദ്ധ​തി​യി​ൽ ഉ​ൾ​പ്പെ​ടു​ത്ത​ണ​മെ​ന്നാ​ണ് കോ​ള​നി​വാ​സി​ക​ളു​ടെ ആ​വ​ശ്യം. എ.​പി.​എ​ൽ റേ​ഷ​ൻ കാ​ർ​ഡ് അ​നു​വ​ദി​ച്ച കു​ടും​ബ​ങ്ങ​ൾ​ക്ക് ബി.​പി.​എ​ൽ കാ​ർ​ഡ് അ​നു​വ​ദി​ക്കു​ന്ന​തോ​ടൊ​പ്പം ഭ​വ​ന​പ​ദ്ധ​തി​ക​ളി​ൽ ഉ​ൾ​പ്പെ​ടു​ത്തി ഭൂ​മി​യും വീ​ടും ന​ൽ​കാ​ൻ ത​ദ്ദേ​ശ സ്വ​യം​ഭ​ര​ണ സ്ഥാ​പ​ന​ങ്ങ​ൾ ത​യാ​റാ​ക​ണ​മെ​ന്ന് ന​രി​പ്പാ​റ​ച​ള്ള​യി​ൽ പു​റ​മ്പോ​ക്ക് ഭൂ​മി​യി​ൽ വ​സി​ക്കു​ന്ന വീ​ട്ട​മ്മ​മാ​ർ ആ​വ​ശ്യ​പ്പെ​ട്ടു. നേ​ര​ത്തെ, ചി​റ്റൂ​ർ ത​ഹ​സി​ൽ​ദാ​ർ വ​രെ സ്ഥ​ല​ത്തെ​ത്തി​യ ശേ​ഷ​മാ​ണ് ഇ​വ​ർ​ക്ക് റേ​ഷ​ൻ കാ​ർ​ഡ്, വൈ​ദ്യു​തി എ​ന്നി​വ ല​ഭി​ച്ച​ത്.

ഇ​പ്പോ​ഴും സ്വ​ന്ത​മാ​യി ഭൂ​മി​യും വീ​ടും ഇ​ല്ലാ​ത്ത​തി​നാ​ൽ ദു​രി​തം പേ​റി ക​ഴി​യു​ക​യാ​ണ് കോ​ള​നി​വാ​സി​ക​ൾ. മു​ത​ല​മ​ട​യി​ൽ മാ​ത്രം ആ​റ് പ്ര​ദേ​ശ​ങ്ങ​ളി​ലാ​ണ് സ​മാ​ന​മാ​യ രീ​തി​യി​ൽ പു​റ​മ്പോ​ക്ക് ഭൂ​മി​ക​ളി​ൽ കു​ടി​ൽ കെ​ട്ടി താ​മ​സി​ക്കു​ന്ന​വ​ർ ഉ​ള്ള​ത്. ഇ​ത്ത​ര​ത്തി​ൽ താ​മ​സി​ക്കു​ന്ന നൂ​റി​ല​ധി​കം കു​ടും​ബ​ങ്ങ​ൾ​ക്ക് സ​ർ​ക്കാ​ർ ഭ​വ​ന പ​ദ്ധ​തി​യി​ൽ ഉ​ൾ​പ്പെ​ടു​ത്തി ഭൂ​മി​യും വീ​ടും ന​ൽ​ക​ണ​മെ​ന്നും പു​റം​പോ​ക്ക് നി​വാ​സി​ക​ളു​ടെ മ​ക്ക​ൾ​ക്ക് വി​ദ്യാ​ഭ്യാ​സ സ്കോ​ള​ർ​ഷി​പ് ഉ​ൾ​പ്പെ​ടെ ആ​നു​കൂ​ല്യ​ങ്ങ​ൾ അ​നു​വ​ദി​ക്ക​ണ​മെ​ന്നും ഇ​വ​ർ ആ​വ​ശ്യ​പ്പെ​ട്ടു.